“Hər şey birdən-birə oldu. Uşağın qarnı şişdi. Apardım pediatra… Pediatr göndərdi, cərraha… Cərrah USM müayinə etdirdi, pis xəstəlikdən şübhələndi. Kompüter tomoqrafiyası oldu, diaqnoz dəqiqləşdi: Xərçəng…”, – deyən anaya hıçqırıqlar danışmağa imkan vermir.

Söhbət xərçəng xəstəliyindən əziyyət çəkən İbrahimdən gedir. Hələ oktyabrda 4 yaşı olacaq balaca İbrahimdən…

Uşağın xəstəliyi haqda musavat.com-a İbrahimin anası Püstəxanım Hüseynova məlumat verib.

Uşağın xəstəliyinin tibbi adı neuroblastmadır. Bu gün Milli Onkologiya Mərkəzində uşaqdan analiz üçün ilik nümunəsi götürüləcək. Analizin cavabına görə müalicələr başlayacaq.

“İnşallah, kimya müalicəsi alsa, sağalacaq balam. İnternetdə araşdırmışam. Bu xəstəlikdən sağalan xeyli uşaq var. Yaxşı müalicə alsa, mənim İbrahimim də qurtula bilər. Amma bunun üçün xeyli pul lazımdır. Türkiyə və Belarusda uşaq xərçəngini yaxşı müalicə edirlər. İbrahimim yaşamaq istəyir. 4 yaşı hələ tamam olmayıb, onun… Ölüm ondan ötrü tezdir, çox tezdir. Bu dəqiqə onun həyətdə qaçan vaxtıdır, amma balam ağrıdan qollarımda qıvrılır” – deyir anası və hönkürür.

Çarəsiz ana oğlunun ağrılarına dözə bilmir. Deyir, İbrahimə söz vermişəm, nə qədər o yaşayacaq, o qədər də mən yaşayacağam.

İbrahimin yaşaması başda Allahdan, sonra isə həkimlər və dərmanlardan asılıdır. Ailənin isə uşağı xaricdə müalicə etdirməyə maddi imkanı çatmır. Bunun üçün də xeyirxah insanlardan yardım istəyir.

İbrahimin yaşaması üçün yardım etmək istəyənlər aşağıdakı bank hesabına pul köçürə bilərlər:

380194401663363401
AZE16634676
REKVIZIT MILLION
Alanın Bankı / Beneficiary Bank
Bank Respublika ASC Sumqayit filiali
Kod: 504777 VOEN: 9900001901
M/h: AZ80NABZ01350100000000014944
SWIFT: BRESAZ22
Alan / Beneficiary
Adı / Name: PUSTAXANIM
Soyadı / Name: HUSEYNOVA
IBAN : AZ60BRES00380194401663363401

Əlavə məlumat üçün əlaqə nömrəsi: 051 517 43 35

2.jpg (25 KB)

1.jpg (39 KB)

Musavat.com