Dövlət Dəniz Agentliyi Türkiyədə baş verən gəmi qəzası ilə bağlı məlumat yayıb.

Nəqliyyat, Rabitə və Yüksək Texnologiyalar Nazirliyi yanında Dövlət Dəniz Agentliyindən Minval.İnfo-ya verilən məlumata görə, bu gün saat 16:50-də Qaradənizdə Türkiyənin Samsun şəhəri yaxınlığında Panama bayrağı altında üzən “Volgabalt 214” gəmisinin qəzaya uğraması barədə Agentliyin Milli Mərkəzinə məlumat daxil olub.

Məlumatda həmçinin bildirilib ki, ekipaj üzvlərindən 2 nəfər Azərbaycan vətəndaşıdır.

Azərbaycan vətəndaşlarının taleyi ilə maraqlanmaq məqsədilə Dövlət Dəniz Agentliiyinin Milli Mərkəzi tərəfindən dərhal müvafiq tədbirlər görülüb. Türkiyənin Samsun şəhərinin Dəniz Axtarış Xilasetmə Mərkəzi ilə mövcud sistem vasitəsilə əlaqə yaradılaraq məlum olub ki, gəmidə olan 13 nəfərdən 9-u sahilə çıxarılıb.

Məlumatda qeyd olunub ki, gəminin ekipaj üzvlərindən biri Azərbaycan vətəndaşı gəmi kapitanının baş köməkçisi İbrahimov Məmmədəli Surxay oğlu dünyasını dəyişib və onun meyiti sudan çıxarıllıb. Azərbaycan vətəndaşı – gəmi kapitanı İsmayılov Turbat Kamil oğlunun axtarışları isə davam etdirilir.

***

Gəmidə olan iki azərbaycanlıdan biri – İbrahim Məmmədov ölüb. Turbat İsmayılovun taleyi isə hələlik məlum deyil.

***

Türkiyənin Samsun şəhərinə yaxın ərazidə gəmi batıb.

Minval.info xəbər verir ki, gəminin ekipaj üzləri arasında azərbaycanlılar olub. Nəqliyyat vasitəsindən 7 nəfərin xilas edildiyi, 2-nin isə həlak olduğu bildirilir.

Xilas edilən ekipaj üzvlərindən 4-ü xəstəxanaya yerləşdirilib.

Rəsmi açıqlamaya görə, hazırda axtarışlar davam etdirilir.

Məlumatda bildirilir ki, gəmidə 13 nəfər olub, onlardan 9-u ukraynalı, 2-nin azərbaycanlı və 2-nin isə rusiyalıdır.