Prodüser Tarix Əliyev onun barədə yayılan yanlış xəbərlərə aydınlıq gətirib.

Minval.info xəbər verir ki, “Hər şey daxil” verilişinin aparıcısı “fəhlələrüyüy” sözü ilə fenomenə çevrilən keşmiş dustaq Şakir Nəsirovun rekasiyasına münasibət bildirib.

Belə ki, iki gün öncə sözügedən proqrama dəvət alan qonaqlardan biri məbus həyatı yaşayan insanların haqqında neqativ sözlər işlədib. Bu, ictimaiyyət tərəfindən, eyni zamanda Şakir Nəsirov tərəfindən birmənalı qarşılanmadı. Fenomen sosial şəbəkə hesabında video paylaşaraq deyilənlərə etirazını bildirib. Onun çıxışı Tolikə ünvanlanmış kimi qələmə verilərək yerli mediada dərc edildi.

Bu gün isə T.Əliyev canlı efirdə məsələnin yanlış anlaşıldığını söyləyib. O, qeyrət üstündə, şərlənməylə və başqa bədbəxt hadisələr nəticəsində həbsə olunan insanların tezliklə azadlığa çıxmasını diləyib. Bununla yanaşı, Tolik zorlanma maddəsi ilə dəmir barmaqlıqlar arxasına düşənlərin elə orada qalmasını arzulayıb.