Qətərin “Əl-Qarafa” klubunun formasını geyinən Uesli Sneyder “Qalatasaray”a dönmək arzusundadı.

Minval.info apasport.az-a istinadən xəbər verir ki, hollandiyalı ulduz futbolçu bununla bağlı “cim-bom” rəhbərliyinə müraciət edib.

Klub rəsmisi Abdurrahim Albayrakla əlaqə saxlayan 33 yaşlı yarımmüdafiəçi “Qalatasaray”dan ötrü darıxdığını və hətta boş müqaviləyə qol çəkməyə hazır olduğunu vurğulayıb. Klub prezidenti Mustafa Cengiz də sevimli oyunçusunu qaytarmağın tərəfdarıdı. Lakin bu məsələdə son sözü baş məşqçi Fatih Terim deyəcək. Təcrübəli mütəxəssis razılıq versə, Sneyderin “sarı-qırmızılılar”a dönüşü teziklə rəsmiləşəcək.

Qeyd edək ki, ötən ilin yayında “Qalatasaray”dan “Nitsa”ya keçən Uesli Sneyder daha sonra ordan “Əl-Qarafa”ya üz tutmuşdu.