Rusiyanın Surqut şəhərində doğum evinin qarşısında qoyun kəsən azərbaycanlı ailə heyvansevərləri qəzəbləndirib.

“Qafqazinfo” Rusiya KİV-nə istinadən xəbər verir ki, sosial şəbəkələrdə həmin video yayıldıqdan sonra heyvan müdafiəçiləri ayağa qalxıblar. Onların şikayətindən sonra polis doğum evinin qarşısında qoyun kəsən azərbaycanlıları axtarır.

Bu ritual İslam ənənələrinə uyğun hesab olunsa da, əksəriyyət bu addımı heyvanların müdafiəsi baxımından düzgün qəbul etməyib. Polis hazırda hadisənin təfərrüatlarını və qoyunu kəsənlərin şəxsiyyətini müəyyənləşdirir.

Məsələ ilə bağlı Surqut Perinatal Mərkəzinin baş həkimi Larisa Belotserkovtsevanın münasibətini öyrənə bilməyiblər.