PKK terror təşkilatının təhdid edərək tərkibinə qatdığı uşaqlar Türkiyə Silahlı Qüvvələrinə təslim olaraq ifadə veriblər.

Publika.az xəbər verir ki, həmin uşaqlardan biri, 15 yaşlı adı açıqlanmayan uşaq PKK-çıların onu ailəsinə zərər verməklə təhdid edərək məcburi şəkildə təşkilata üzv etdiklərini bildirib.

Onun sözlərinə görə, terrorçular uşaqları bu yolla təhdid edir və məzarlığa gəlmələrini tələb edir. Oradan da birbaşa təşkilatın düşərgəsinə aparır.

Qaçanlar dağda yaşamağın çox çətin olduğunu, təşkilatda onlara aşılananların doğru şeylər olmadığını etiraf edir. Onlar ölüm təhlükəsi altında oluğu üçün qaçdıqlarını və hələ də bu təhlükənin davam etdiyini deyirlər.