Rusiyanın Kurqan bölgəsində beynəlxalq axtarışda olan Azərbaycan vətəndaşı saxlanılıb.

Oxu.Az “Veçerniy kuryer” portalına istinadla xəbər verir ki, məlumatlarda 49 yaşlı azərbaycanlı silah və ya silah kimi istifadə etdiyi predmetlə xuliqanlıqda ittiham olunur.

Hadisə zamanı taksi sürücüsü kimi o, sərnişinə bədən xəsarəti yetirib. Cinayət işindən qaçmaq üçün o, Kurqan vilayətinin ərazisində gizlənib.