Amerikada keçdiyimiz ay yaşanan cinayətin üzəri çətinliklə də olsa, açılıb.

ABŞ-da yaşayan Sidney Luf keçdiyimiz ay tanışlıq proqramı olan Tinder-dən 23 yaşındakı həmcinsi Beyli Busvel ilə tanış olub. İki xanım ilk dəfə mayın 6-si görüşüb və sonrakı günlərdə də görüşəcəkləri barədə danışıb razılığa gəliblər.

Lakin 24 yaşlı Sidney Luf birdən-birə yoxa çıxıb. Gənc qadının işə belə getmədiyini öyrənən ailəsi artıq narahat olub və vəziyyəti polisə bildirib. Polis 3 həftə hər yerdə Sidneyi axtarıb, lakin ağır xəbər tarla kənarından gəlib.

Nebraskadakı tarla kənarına gedənlər bir zibil qutusunda parçalanmış qadın bədəni tapırlar və polisə bununla bağlı xəbər verirlər. Ancaq bundan sonra polis Sidneyin cəsədini tapıb. Hətta bu araşdırmaya FBI-da daxil olub.

Bundan sonra əsas şübhəli kimi Beyli Busvel, daha sonra isə keçmiş sevgilisi Aubrey Treyl saxlanılır. Polislərin araşdırmasından məlum olub ki, Sidney Snapçat-dakı “görüşə hazıram” yazısından sonra öldürülüb.

Keçmiş sevgili Audrey Treylin verdiyi açıqlamadan cinayəti onunla birgə Beylinin törətdiyi məlum olub. Hər ikisi cinsi istəklərini qarşıladıqdan sonra Sidneyi öldürmək qərarına gəliblər. Lakin basdıra bilməyəcəklərini düşünüb doğrayıb, zibilliyə atıblar.

Sidneyin ailəsi isə hər iki qatilə ömrlük həbs tələb edib.

Minval.info