Bakıdakı mağazaların birində müəmmalı və qəzəb doğuran suvenirin satıldığı barədə məlumat yayılıb.

Minval.info xəbər verir ki, Azərbaycanın müxtəlif yerlərini özündə əks etdirən suvenirdə yer alan ölkəmizin xəritəsindən işğal olunmuş torpaqlarımız çıxarılıb. Belə ki, adətən turistlərin aldığı suvenirdə Dağlıq Qarabağ göstərilməyib.

Bu barədə QHT meneceri Sənan Nəcəfov məlumat verib. O, sosial şəbəkə hesabında sözügedən fotonu paylaşaraq bu sözləri əlavə edib:

“Bu nə biabırçılıqdır? Bu xarici turistlərə satılır. Azərbaycan xəritəsində Qarabağ yoxdur. Bunu edən kimdir? Bu, xəyanət deyil, nədir?”

Minval.info