Azərbaycanlı aktrisaların həbs olunması ilə bağlı fotolar yayılıb.

Minval.İnfo xəbər verir ki, sözügedən foto “Milyonluq Quş” filminin çəkilişlərindəndir. Həmin filmdə rol alan əməkdar artist Dilarə Əliyeva və Aysel Nazim filmin bir səhnəsində polis tərəfindən yaxalanırlar.

Qeyd edek ki, “Artlemma” film şirkətinin istehsalı olan ekran işinin baş rollarında Türkiyənin populyar sənətçiləri Ufuk Özkan, Mehtap Bayri, Gökçe Özyol və Azərbaycanın tanınmış aktyoru Müşviq Şahverdiyev rol alıb. Həmçinin Arif Quliyev, Nofel Şahlaroğlu, Qurban Məsimov və Teymur Məmmədov da sözügedən filmdə çəkiliblər.

Azərbaycan filmi olan “Milyonluq Quş”un oktyabr ayının 3-ü Nizami kinoteatrında qala gecəsi baş tutacaq. Oktyabrın 4-ündən isə filmsevərlərin ixtiyarına veriləcək.