Son zamanlar ölkəyə çoxlu sayda turistlər gəlir. Ona görə də ölkənin turizm zonalarında Turizm Agentliyi ilə birlikdə qida təhlükəsizliyi üzrə dövlət nəzarəti həyata keçiriləcək.

Minval.info xəbər verir ki, bunu Azərbaycan Qida Təhlükəsizliyi Agentliyinin sədri Qoşqar Təhməzli bildirib.

Q.Təhməzli qeyd edib ki, mövsümi xarakter daşıyan istirahət zonalarında insanların kütləvi qidalanmasının təhlükəsizliyinin təmin olunması vacibdir: “Gələn aydan başlayaraq Turizm Agentliyinin əməkdaşları ilə birlikdə həmin iaşə obyektlərində monitorinq və audit tədbirləri aparılacaq”.