Tərtər rayonunda yanacaqdoldurma məntəqəsində partlayış baş verib.

“Report”un Qarabağ bürosu xəbər verir ki, hadisə zamanı iki nəfər müxtəlif dərəcəli bədən xəsarətləri alaraq rayon mərkəzi xəstəxanasına çatdırılıb.

Baş verən partlayış nəticəsində yaralanan şəxslərin adları məlum olub.

Bunlar 1966-cı il təvəllüdlü Seymur Rzayev və 1995-ci il təvəllüdlü Əsgər Məmmədovdur.

Yaralıların vəziyyəti ağır olduğundan müayinə və müalicələrinin davam etdirilməsi üçün Bakıdakı xəstəxanalardan birin göndərilib.

Faktla bağlı araşdırma aparılır.