Xəbər verdiyimiz kimi, Bakı Lift-Təmir İstehsalat Birliyinin rəisi Qüdrət Şükürov bu gün vəzifəsindən azad edilib. 

Minval.İnfo-nun məlumatına görə, Qüdrət Şükürov mediada daha çox bloqqer qızı Aysel Şükürovaya etdiyi dəbdəbəli toyla gündəmə gəlib. Missiya.az saytının əməkdaşı Ayselə “Atanızın və əminizin işdən çıxarılmasına münasibətiniz necədir” sualını ünvanlayıb. Bloqqer isə jurnalisti ağır sözlə təhqir edib.

O, “salam, zəhmət olmasa s…!” yazandan sonra jurnalistə belə də paylaşmağı məsləhət görüb.

Qeyd edək ki, Ayselin toyuna 400 min pul xərclənmişdi. Q.Şükürov da həmin xəbərdən sonra tənqid edilmişdi. Aysel özü də toy xəbərindən sonra bloqqer kimi tanınmağa başladı.