Avropanın ən böyük məscidi Türkiyədə açılacaq

 İstanbulda Avopanın ən böyük məscidi istifadəyə veriləcək.

Minval.İnfo “Qafqazinfo”-ya istinadən xəbər verir ki, Çamlıca məscidindəki işlərin 95 faizi yekunlaşıb və artıq son tamamlama işləri həyata keçirilir.

Məscidin Ramazan ayından öncə istifadəyə verilməsi nəzərdə tutulub.

Məsciddə eyni vaxtda 63 min nəfər ibadət edə biləcək. 6 minarəli məscidin minarəsinin dördü 107,1 metr, ikisi isə 90 metrdir.

Kompleksin ərazisində kitabxana, muzey, sərgi salonu, konfrans zalları və emalatxana da fəaliyyət göstərəcək.

Qeyd edək ki, məscidin tikintisinə 6 avqust 2013-cü ildə başlanılıb.