Açıq-saçıq görüntüləri və qalmaqalları ilə gündəmə gələn müğənni Afaq Aslan “Sirdaş Rövşanə” verilişində ələ salınıb.

Minval.info xəbər verir ki, aparıcı Rövşanə Ağasəfqızı proqrama dəvət etdiyi şou-biznes nümayəndəsini gülüş hədəfinə çevirib. Belə ki, o, Afaq Aslanın dəfələrlə plastik əməliyyat olunduğundan söhbət açaraq lağa qoyub. Amma bunu bir qədər yüngül formada dilə gətirdiyindən müğənni özü də onun dediklərini gülüşlə qarşılayıb. Eyni zamanda Rövşanənin A.Aslana “səni çox istəyirəm” söyləməsi qıcıq yaranmağının qarşısını alıb.

“Deyirlər, sizin hər yeriniz əməliyyat olunub. Məsələn, sizin çılpaq şəkilləriniz var da gözəl. Vallah, adam baxanda ürəyi gedir. Dodağınızdan tutmuş sinə, ayaqlar və s. əməliyyatdı. Maşın “razval” olur e, yığdırırsan… Siz deyəsən, başdan-ayağa özünüzü yığdırmısınız. Doğrudan, dodağınızda heç nə yoxdur? Bu boyda dodaq olar?” – aparıcı bildirib.

Müğənni isə deyilənlərin qarşılığında idmanla məşğul olduğunu və masaj salonlarına getdiyini söyləyib. Eyni zamanda, o, hazırda estetik əməliyyata ehtiyacının olmadığını qeyd edib.

Aparıcı isə sözlərinə davam edərək Afaq Aslan üzərində misallar göstərərək əməliyyat olunub-olunmadığını soruşub.

Minval.info